Lucas 13:22-30

²² Op zien raais noar Jeruzalem tou trok e deur loug en stad en leerde doar.
²³ Ain vruig hom: “Heer, binnen der bloots n poar dij beholden worden?”
²⁴ Hai zee tegen heur: “Vecht ter veur dat ie deur ènge deur binnengoan. Der zellen genogt wezen, zeg ik joe, dij perbaaiern om binnen te kommen, mor dij t nait lokt.
²⁵ Van t ogenblik òf dat boas van t hoes in t èn kommen is en deur op knip doan het en ie den nog aanzetten kommen en roupen: ‘Heer, dou ons open!’ den zel hai antwoorden: ‘k Wait nait woar of ie heer kommen!’
²⁶ Den zel ie zeggen: ‘Wie hebben ja in joen gezelschop eten en dronken! En in ons stroaten heb ie ja leerd!’
²⁷ Mor hai zel weer zeggen: ‘k Wait nait woar of ie heer kommen! Moak dat ie votkommen, ie aalmoal! Deugennaiten dat ie binnen!’
²⁸ Den zel ie reren en op tanden knaarzen as ie Abraham en Isaak en Jakob zain zellen en ale profeten in God zien riek, mor zulm boetensloten binnen.
²⁹ Ze zellen kommen van oost en west en van noord en zuud en aanschikken in God zien riek.
³⁰ Denk ter om: gounent dij t lest wazzen, zellen bovenaan zitten. En gounent dij t eerst wazzen, zellen aan t voutenèn kommen.”