Galoaten 2 : 15-21

¹⁵ Wie binnen van komòf Jeuden; gain zundoars oet haaidenwereld.
¹⁶ Mor toch wait we, dat gain mensk vrijsproken wordt omdat e dut wat of wet vragt, mor allenneg deur te leuven in Jezus Christus. Doarom heb we ons vertraauw op Jezus Christus zet. Den kon we om ons geleuf in Jezus Christus vrijsproken worden en nait omdat we doan haren wat of wet vragt. Op dij grond zel ja gain staarveling vrijsproken worden.
¹⁷ (Nou zel ie zeggen:) “Mor as wie den deur ons vrijsproak in Christus te zuiken der veur oetkommen, dat wie zulm ook zundoars binnen, waarkt Christus den zunde in haand?” Gain sproake van!
¹⁸ As ik ja weer opbaauw wat of ik nou net ofbroken haar, den juust geef ik mie zulm aan as overtreder.
¹⁹ Ik bin ja deur aine wet veur aandere wet sturven, om veur God te leven. Mit Christus bin ik aan t kruus sloagen.
²⁰ Zo leef ik nait meer, mor Christus leeft in mie. En t levent dat ik op dizze wereld nog deurbreng, dat breng ik deur in vertraauw op God zien Zeun. Dij het mie laifhad en zok veur mie opovverd.
²¹ God zien genoade, doar hoal ik gain streep deur. As vrijsproak ja van wet kommen mout, den is Christus veur niks sturven.