⁰⁰¹Veur meziekmeester. Kin zongen worden mit meziek derbie. Van David.

⁰⁰²Heur, o God, noar mien smeken,
sloag acht op mien gebed,

⁰⁰³van t èn van wereld roup ik om joe,
want t haart begeft mie.

Breng mie op rots dij mie te hoog is,

⁰⁰⁴ie binnen ja mien touvlocht,
n börg doar vijand nait tegenop kin.

⁰⁰⁵Mog ik aaltied mor wonen in joen tènt,
vaaileg bezied onder joen vleugels, qs selaqs*

⁰⁰⁶want ie, o God, hebben mien beloftes heurd,
aan dij joe vereren, heb ie joen aarfdail doan.

⁰⁰⁷Vermeerder keunenk zien levensdoagen,
loat zien joaren duren geslachten laank.

⁰⁰⁸Loat hom aaltied tronen veur joen ogen, o God,
dat traauw en woarhaid hom bewoaren.

⁰⁰⁹Den zel ik joen noam veur aaltied bezingen
en elke dag mien beloftes noakommen.