Johannes 10:22-30

²² Op aigenste tied was in Jeruzalem feest van Tempelinwijden; t was winterdag.
²³ Jezus kuierde wat hènneweer in galerij van Salomo bie tempel.
²⁴ Jeuden gingen om hom tou stoan en vruigen: “Hou laank hol je ons nog in t onwizze? Zeg nou ais eerlieks: bin ie nou Messias of nait?”
²⁵ “Dat heb k joe ja al zegd, mor ie leuven t nait,” zee Jezus. “Aal wat ik dou in mien Voader zien noam, sprekt veur mie.
²⁶ Ie willen der wel nait aan, mor ie heuren ook ja nait bie mien schoapen.
²⁷ Mien aigen schoapen lustern aal noar mien stem, ik ken heur en zai goan achter mie aan.
²⁸ Ik zel der veur zörgen dat ze aaid leventeg blieven. Gainent zel ze mie ofstelen!
²⁹ Wat hai, mien Voader, mie geven het, is belangrieker as aal t aander. Gainent kin mien Voader t ofstelen!
³⁰ Mien Voader en ik binnen ja ain!”