³⁵ Dou t dag worden was, stuurden pretoren heur bodes mit t bevel: “Loat dij mensken vrij!”
³⁶ Cipier gaf t aan Paulus deur. “Pretoren,” zee e, “hebben waiten loaten dat wie joe baaident vrijloaten mouten. Ie kinnen der dus oetkommen en gerust wieder raaizen.”
³⁷ Mor Paulus zee tegen hom: “Wat? Ze hebben ons in t openboar zunder vörm van perses oftiggeln loaten aalhouwel wie Romaainse börgers binnen en dou in t gevang zet. En nou willen ze ons der stiekem weer oetloaten? Mor zó gaait dat nait! Loaten ze zulm mor kommen en ons noar boeten tou brengen.”
³⁸ Bodes brochten dizze woorden aan pretoren over. Dij werden benaauwd dou ze heurden dat t Romaainse börgers wazzen.
³⁹ Dat ze gingen noar heur tou en wozzen heur te beduzzeln. Ze brochten heur noar boeten en vruigen of ze wel tou stad oetgoan wollen.
⁴⁰ Mor dou zai tou gevangenis oetgoan wazzen, gingen ze noar Lydia. Doar trovven ze de bruiers, spraken heur moud in en dou eerst gingen ze tou stad oet.