t Evengelie volgens Lucas 16:10-18

⁰ Dij betraauwboar is as t om n klaaineghaid te doun is, is dat ook as t om veul gaait.
¹¹ As ie mit onrechtveerdege mammon nait betraauwboar omgoan hebben, wèl zol joe den t woare aanvertraauwen?
¹² En as ie mit n aanderman zienent nait betraauwboar omgoan binnen, wèl zol joe den geven wat joenent aal is?
¹³ n Knecht kin gain twij boazen dainen. Hai zel ain achteroetzetten en aander veurtrekken. Of t mit ain holden en aander niks in reken hebben. Ie kinnen nait tougelieks God en mammon dainen!”

¹⁴ Dat aal heurden Farizeeërs, dij verbraand op geld wazzen, en ze haren de gek mit hom.
¹⁵ Hai zee tegen heur: “Ie hebben der n handje van joe bie mensken mooi veur te doun. Mor God wait hou of t ter in joen haart oetzugt. Wat of mensken hoog in reken hebben, het God n ofkeer van.

¹⁶ Wet en Profeten gonnen aan Johannes tou. Van dij tied òf aan wordt bliede bosschop van God zien riek verkundegd. En elkenain perbaaiert ter mit geweld in te kommen.

¹⁷ Makkelker vergonnen hemel en eerde as dat van wet ain stipke votvalen zel.
¹⁸ Elkenain dij zien vraauw verstöt en n aander traauwt, begaait traauwbreuk. En ook wèl of n vraauw traauwt dij deur heur man verstöt is.