Deuteronomium 18:1-8

⁰¹Levitische priesters, joa haile stam van Levi, zellen in Israël gain paart of dail hebben aan t aarfgoud. Zai zellen van vuurovvers veur de HEER en van zien aarfdail eten.
⁰²Levi zel gain aarfdail hebben zo as zien bruiers. De HEER is zien aarfdail zo as dij hom touzegd het.
⁰³Dit is t recht dat priesters hebben onder t volk: mensken dij heur slachtovvers brengen, n kou of n schoap, mouten scholder, baaide koaken en moag aan priester geven.
⁰⁴Ie zellen hom t eerste van joen koorn, wien en eulie geven en eerste wol van joen schoapen.
⁰⁵De HEER, joen God, het hom ja oet aal joen stammen kozen, hom en zien zeuns, om van older op older in dainst te stoan in noam van de HEER.
⁰⁶As ter n Leviet komt oet ain van steden van hail Israël doar hai as vremde woont, en haile geern noar t stee wil dij de HEER oetkaizen zel,
⁰⁷en dainst dut in noam van de HEER zien God, krekt as aal zien bruiers de Levieten doar veur de HEER stoan,
⁰⁸den zel hai gelieke veul eten kriegen, zunder dat reken holden wordt mit weerde van t aarf van zien veurvoaders, as t verkocht worden zol.