Lucas 24:28-35

²⁸ Dou ze dicht bie t dörp kommen wazzen doar of ze hèngingen, dee e net of e wiedergoan wol.
²⁹ Mor ze huilen hom tegen en zeden: “Blief bie ons! t Lopt ja al tegen oavend en dag is dommit om!” Dou kwam e der in en bleef bie heur.
³⁰ Dou e mit heur aan toavel goan was, pakte hai brood, sprak zegenbee oet, brook t en langde heur t tou.
³¹ Dou gingen heur ogen open en ze zagen, dat hai t was. Mor hai verswon.
³² Ze zeden tegen nkander: “Ston ons haart nait in vuur zo as e onderwegens tegen ons pruit en ons de Schriften dudelk muik?”
³³ Votdoalek kwammen ze in t èn en gingen weerom noar Jeruzalem tou. Doar vonden ze de elm en d’aandern bie nkander.
³⁴ Dij zeden: “t Is zo! De Heer is opwekt! Simon het hom zain!”
³⁵ Zai vertelden wat of ze onderwegens beleefd haren en hou of ze hom weer kend haren, dou e t brood breken dee.