Lucas 24:1-12

⁰¹Op eerste dag van week, smörgens hail vroug, gingen ze noar t graf tou mit bie zok kruden dij ze kloarmoakt haren.
⁰²Ze vonden stain veur t graf votrold.
⁰³Dou ze der ingoan wazzen, vonden ze Jezus zien liggoam nait.
⁰⁴Ze wozzen nait wat of ze der van denken mozzen. Inains stonden doar twij manlu bie heur mit blinkende klaaier aan.
⁰⁵Doar werden ze zo kèl van, dat ze sluigen ogen omdeel. Dij twij manlu zeden: “Wat zuik ie dij leeft, bie doden?
⁰⁶Hier is e nait. Hai is opwekt. Wait ie nog wel wat of e tegen joe zegd het dou e nog in Galilea was?
⁰⁷Dat Menskenzeun oetleverd worden mos aan zundege mensken en dat e kruzegd worden mos en op daarde dag weer opstoan zol?”
⁰⁸Dou kwammen zien woorden heur weer in t zin.

⁰⁹Ze gingen van t graf weerom en vertelden t aalmoal aan de elm en aal aandern.
¹⁰ Dij vraauwlu wazzen Maria oet Magdala, Johanna en Maria, Jakobus zien moeke. Ook d’aander vraauwlu dij bie heur wazzen, vertelden t weer aan apostels.
¹¹ Dizze woorden kwammen leerlingen veur as proatjes. Ze wollen heur nait leuven.
¹² Mor Petrus ging stoan en runde noar t graf tou. Dou e zok bukte, zag e bloots douken liggen. Hai ging weer noar hoes tou, hail verwonderd over wat of ter veurvalen was.