001Veur meziekmeester. n Psaalm van David.

002Gelokkeg dij ain in nood mit wieshaid helpt;
op dag van onhaail zel de HEER hom redden,

003de HEER zel hom bewoaren en in t levent holden,
men zel hom in t haile laand gelokkeg nuimen.

“Lever hom nait oet aan zien vijanden!”

004De HEER zel hom stiepen as hai zaik deelligt:
as e zaik op bèr ligt, moak ie hom weer zond.

005Ik zeg: “O HEER, wees mie genoadeg,
moak mie beter, want ik heb tegen joe zundegd.”

006Mien vijanden proaten onhaail over mie:
“Wanneer zel hai staarven en zel zien noam verdwienen?”