01Zo zegt de HEER:
Stoa veur t recht, dou gerechteghaid,

want stoef bie is komst van mien verlözzen,

en mien gerechteghaid zel eerdoags blieken.

02Gelokkeg mensk dij zo dut,
menskenkind dij zok ter staark veur moakt,

dij aan sabbat denkt, dij in acht nemt,

dij zien haand ter van ofholdt om kwoad te doun.

03Vremde dij zok bie de HEER aansloet
huift nou nait zeggen:

“Wis, de HEER zet mie apaart van zien volk.”

Ook dij lubt is, mag nait denken:

“Ik bin mor n dorre boom.”