01Jubel, onvruchtboare,
dij nooit kinder kregen het,

breek in jubeln oet en zing van joechaai,

al heb ie nooit vloagen kind.

Want verloaten vraauw het meer kinder

as vraauw, dij n man het – zegt de HEER.

02Moak meer roemte in joen tènt,
zet zaail van tènt wied open,

dou nait zuneg aan.

Moak joen schoorlienen laanger,

sloag joen tèntpinnen goud vaast.

03Want ie zellen joe oetdijen noar links en noar rechts,
joen noazoaten zellen boas worden over volken,

wonen goan ze in steden dij verloaten wazzen.