2 Kronieken 8:12-18

¹² Dou brochde Salomo de HEER brandovvers op t altoar dat hai veur de veurhal baauwd haar. ¹³ Aal doag werden der nou brandovvers brocht, zo as Mozes dij veurschreven haar veur de sabbat, veur nijmoan, veur de drij hoge feestdoagen in t joar: t feest van t Ongezuurde Brood, t Wekenfeest en t Loofhuttenfeest. ¹⁴ Boetendes regelde hai de dainsten van de priesters in heur ofdailens zo as zien voader David dij veurschreven haar, en ook dij van de Levieten bie heur zangdainsten en as ze de priesters helpen mozzen, aal doag vannijs. Wieder regelde hai de poortwachtersdainsten zo as David, de man van God, dat besteld haar. ¹⁵ Ale veurschriften van de keunenk dij over de priesters en Levieten gingen, werden sekuur noaleefd, ook dij over de tempelschatten. ¹⁶ Zo kwam t waark van keunenk Salomo kloar, van dag òf dat fonnementen veur t hoes van de HEER legd werden, tot aan dag tou dat ales haildaal veurnkander was. t Hoes van de HEER was kloar. ¹⁷ Dou ging Salomo noar Esjon-Geber en noar Elat, aan de kust in t laand van Edom. ¹⁸ Churam stuurde hom schepen en kloare zeelu onder bevel van zien zee-ofsieren; zai gingen mit manlu van Salomo noar Ofir. Zai huilen doar vaaierhonderdfiefteg talent gold vandoan en brochten dij noar keunenk Salomo.