01Noam en foam van Salomo wazzen alderdeegs deurdrongen tot keunegin van Seba. Zai ging noar Jeruzalem om Salomo mit roadsels oet te perbaaiern. Zai raaisde mit groot gevolg, mit kemélen dij beloaden wazzen mit roekerij, n bult gold en kostboare stainen en dou ze bie Salomo aankommen was, legde zai hom ale kwezzies veur dij heur in kop omswonnen. 02Salomo wos antwoord op aal heur vroagen, der was veur keunenk niks zo stoer, dat hai heur t nait oetleggen kon.