Twijde braif aan Timoteüs 1:11-18

¹¹ doar ik as omrouper, apostel en leroar veur aansteld bin.

¹² Doarom mout ik dit ook verduren. Mor doar schoam k mie nait veur. Ik wait ja aan wèl of ik mien vertraauw geven heb, en ik bin der wis van dat hai t in zien macht het wat of mie aanvertraauwd is, vaaileg te bewoaren, totdat dij grode dag aanbrekt.
¹³ Loat aan dien geleuf en laifde in Christus Jezus te zain wezen wat veur gezonde regels doe van mie heurd hest.
¹⁴ Bewoar schat dij die aanvertraauwd is mit hulp van hillege Gaist dij in ons woont.

¹⁵ Doe waist ja wel: ale lu in Asia hebben mie zitten loaten. Fygelus en Hermogenes ook.
¹⁶ Dat de Heer zok over Onesiforus zien gezin ontfaarmen mag. Hai het mie voak opmonterd. Dat ik in t gevang zat, doar schoamde hai zok nait veur.
¹⁷ Nee hur! Dou e in Rome kwam, het e slim noar mie zöcht en mie ook vonden.
¹⁸ Loat de Heer hom n goud onthoal geven op dij grode dag. En wat veur goie dainsten hai altmoal in Efeze doan het, waistoe nog beter (as ik).