t Evengelie volgens Lucas 5:12-16

¹² t Gebeurde ais, dou e woaraarns in n stad was, dat doar n man touhuil dij meloats was. Hai zat ter onder! Dou e Jezus zag, vuil e veur hom deel en smeekte hom: “Heer, as ie willen, kin ie mie geef moaken.” ¹³ Hai stook haand oet, kwam hom aan en zee: “Dat wil ik. Wor geef!” En op slag was meloatshaid over. ¹⁴ Hai druig hom op, hai zol t tegen gain mensk zeggen. “Mor,” zee e, “goa hèn en teun joe aan priester en breng t ovver veur joen beterschop zo as Mozes veurschreven het, as n getugenis veur heur.” ¹⁵ Mor toch ging t gerucht over hom aal wieder. En der kwam n bult volk op òf om hom te heuren en zok genezen te loaten van heur kwoalen. ¹⁶ Mor hai ging heur altied weer oet weeg noar ainzoame ploatsen tou om te beden.