⁰¹Wat of Gaist altmoal te geven het, dat mout ie goud in de goaten hebben.

⁰²Ie waiten wel: dou ie nog haaidens wazzen, wer ie noar dij ofgoden doar ie gain woord van kriegen, as t woare opbrocht … om den ombrocht te worden.f + Paulus bruukt hier twij waarkwoorden; t twijde is n soamenstellen van t eerste. t Eerste betaikent “brengen”, mor kin ook betaiken “opbrengen veur rechter,” b.v. Matteüs 10:18. t Twijde betaikent “votbrengen”, mor doar mout men den ook voak bie denken “om doodmoakt te worden,” b.v. Handelingen 12:19.f* ⁰³Doarom loat ik joe dit waiten: gainain dij op aandrang van God zien Gaist sprekt, zel zeggen: “Vervlökt is Jezus!” En net zo min kin ain zeggen: “Jezus is boas!” of hai dut dat op de Gaist zien aandrang.

⁰⁴Nou is ter wel hail wat onderschaaid in genoadegoaven, mor ze binnen ofkomsteg van zulfde Gaist; ⁰⁵en onderschaaid in dainsten, mor ze binnen ofkomsteg van zulfde Heer; ⁰⁶en onderschaaid in vermogens, mor t is zulfde God dij aal dij vermogens in aal dij mensken legt. ⁰⁷En in wèl of de Gaist zok ook utert, hai dut dat veur mensken heur best. ⁰⁸Deur de Gaist het ain ja de goave wieze oetsproaken te doun. n Aander het de goave dat e n bult wait. Mor dat het e aan zulfde Gaist te daanken. ⁰⁹n Daarde het vertraauw deur zulfde Gaist. Weer n aander het de goave zaiken beter te moaken deur dij aigenste Gaist. ¹⁰ Nog weer n aander wordt ter tou in stoat steld wonders te doun. Hier is ain dij profetaaiern kin. Doar ain dij gaisten goud van nkander te onderschaaiden wait. Zo is ter ook ain dij in alderhande vremde toalen proaten kin. En weer n aander kin dij oetleggen. ¹¹ Mor dat is altmoal t waark van ain en dezulfde Gaist. Dij paart aan elk ofzunderliek tou, zo as hai wil.