2 Kronieken 3:10-17

¹⁰ Veur de zoal van t alderhaailegste luit hai twij cherubs moaken en dij mit gold besloagen. ¹¹ De vleugels van dij cherubs wazzen mit mekoar twinneg èl laank: de aine vleugel van n cherub was vief èl laank en kwam tegen de muur van de zoal, de aander vleugel was ook vief èl en ruik tegen de vleugel van de aander cherub aan. ¹² Aansom was boetenste vleugel van de aander cherub ook vief èl laank en kwam ook tegen de muur van de zoal, zo as ook de binnenste vleugel vief èl was en de vleugel van de eerste cherub aanruik. ¹³ Vleugels van baaide cherubs haren mitnkander n spanwiedte van twinneg èl; cherubs stonden liekop mit t gezicht noar de grode zoal tou. ¹⁴ Salomo luit t grootgedien moaken van blaauwsangen, roodsangen en helderrode wol en fienweefd linnen. Doar luit hai cherubs op beduren. ¹⁵ Wieder luit hai veur de tempel twij zoelen zetten van vievendatteg èl hoog, mit doar bovenop kapitélen van vief èl hoog. ¹⁶ Aan bovenèn van dij zoelen luit hai slingers moaken en doar hong hai honderd grenoatappels aan. ¹⁷ Dij zoelen zette hai aan veurkaant van tempel, ain aan rechterzied en ain aan linkerzied; rechterzoel nuimde hai Jachin en linkerzoel Boäz.