Jermia 23 :1-8 (eerste Kerstdag)

⁰¹O wai, hedders, deur wèl schoapen van mien koppel omkommen en verloren lopen – godssproak van de HEER.
⁰²Doarom, zegt de HEER, Israëls God, tegen hedders dij mien volk waaiden: t Is joen schuld dat mien schoapen t pad biester worden binnen en oet nkander jagd. Ie hebben der nait veur zörgd. Mor ik zörg wel veur joe, aal joen misdoaden zel ik op joe verhoalen – godssproak van de HEER.
⁰³Ik hoal schoapen dij overbleven binnen weer bie nkander oet ale landen vandoan doar ik ze hènjagd heb. Ik breng ze weerom noar heur gruinlaand. Vruchtboar zellen ze weer worden en aanwinnen in tal.
⁰⁴Den stel ik hedders over heur aan dij heur eerlieks waaiden zellen. Ze huiven nait baang of benaauwd meer te wezen, der zel bie heur gainain kwiet worden – godssproak van de HEER.

⁰⁵Leuf mie, der komt n tied dat ik n wettege telg van David opstoan loat – godssproak van de HEER. Hai zel bekwoam regaaiern en t laand besturen, rechtveerdeg en recht.
⁰⁶Den wordt Juda vrij en leeft Israël vaaileg. Dit is noam dij men hom geft ‘HEER, ons gerechteghaid’.

⁰⁷Der komt n tied – godssproak van de HEER – dat men nait meer zegt: ‘Zo wis as de HEER leeft, dij Isrelieten oet Egypte laaid het,’
⁰⁸mor: ‘Zo wis as de HEER leeft, dij noazoaten van Israël weerombrocht het oet landen vandoan doar hai heur hènjagd haar. Wonen zellen ze weer op heur aigen gerechteghaid.”