Braif aan Kolossers 2:6-15

⁰⁶Nou ie Christus Jezus aannomen hebben as joen Heer, leef nou ook in zien kracht.
⁰⁷Hai is grond doar ie worrels in schoten hebben, t fonnement doar ie op baauwd worden. Zo kom ie vaast te stoan in t geleuf en bin ie rejoal mit joen daank, zo as ie dat (van mie) leerd hebben.
⁰⁸Paas ter veur op dat gainain joe mitsleept deur dat opbedenksel, dij onzin dij ze joe op maauw spellen. Wèl of dat doun, loaten heur koers bepoalen deur wat of mensken overleverd hebben; deur hemelliggoamen en nait deur Christus.
⁰⁹In hom woont God mit ales wat God “is” en “het”. In hom is God mensk worden.
¹⁰ In hom heb ie joen bestemmen vonden. Hai is t hoofd van ale heerschoppijen en machten.
¹¹ In hom bin ie ook besneden; mor zunder dat ter n menskenhaand aan te pas kwam. Dat gebeurde dou ie joen zundege levent oetdeden, dou Christus joe besnee,
¹² deurdat ie in joen deup mit hom begroaven werden. In hom bin ie ook opwekt deur t geleuf. In dat geleuf schoelt ja de kracht van dij God, dij Christus oet dood opwekt het.
¹³ Dat geldt nou ook van joe. Ie wazzen dood deur joen zunden en joen liggoam was nait besneden. Mor God het joe mit Christus leventeg moakt. Aal ons zunden het e vergeven.
¹⁴ Hai het n streep hoald deur ons schuldbekentenis, dij mit aal zien bepoalens in ons noadail was en tegen ons getuugde. Joa, hai het dij aan kaant doan deur dij aan t kruus te sloagen.
¹⁵ Hai het aal dijent dij (over ons) de boas speulden en macht haren, ontwoapend en ze aan koak steld. Deur Christus het God dij in triomf opbrengen loaten.