Lukas 7:1-10

⁰¹Dou e kloar was mit aal zien woorden, doar t volk noar lusterde, ging e noar Kafarnaüm tou.
⁰²n Kaptaain doarzo haar n knecht dij slim zaik was en op staarven lag.
⁰³Hai haar n bult mit hom op. Dou e van Jezus heurde, stuurde hai n poar oldsten van Jeuden noar hom tou mit bosschop of hai kommen wol om zien knecht in t levent te holden.
⁰⁴Ze kwammen bie Jezus en drongen staark bie hom aan om te helpen.
⁰⁵“Hai is t ja weerd,” zeden ze, “dat ie dat veur hom doun. Hai is ons volk goudgezind en ons sinagoge het hai baauwen loaten.”
⁰⁶Jezus ging mit heur. Dou e nait wied meer van t hoes òf was, stuurde kaptaain vrunden noar hom tou om te zeggen: “Heer, dou gain muite. Ik bin t ja nait weerd dat ie bie mie over vlouer kommen.
⁰⁷Dat zodounde heb ik t ook nait woagd om noar joe tou te kommen.

⁰⁸Ik stoa ja zulm onder gezag van n aander en ik heb soldoaten onder mie. Zeg ik tegen d’ain: ‘Goa hèn!’ den gaait e. En zeg ik tegen d’aander: ‘Kom!’ den komt e. En tegen mien knecht: ‘Dou dat!’ den dut t.”
⁰⁹Dou Jezus dat heurde, verwonderde hai zok over hom. Hai keerde zok noar t volk dat hom volgde en zee: “Ik zeg joe, alderdeegs in Israël heb ik zo’n staark geleuf nait vonden!”
¹⁰ Dou lu dij stuurd wazzen, weeromkwammen in t hoes, trovven ze knecht zond en wel aan.