Lucas 9:28-36

²⁸ n Dag of aacht noadat e dat zegd haar, nam e Petrus en Johannes en Jakobus mit baarg op om te beden.
²⁹ En onder t beden kreeg zien gezicht n aander aanblik. Zien klaaier werden stroalend wit.
³⁰ Op ainmoal stonden der twij manlu mit hom te proaten. t Wazzen Mozes en Elia.
³¹ Ze verteunden zok in heerlekhaid en zeden hom t leste èn van zien levensweg aan dat e in Jeruzalem oflopen zol.
³² Nou wazzen Petrus en dijent dij bie hom wazzen, min van sloap. Mor inains werden ze glìn wakker en zagen hom in zien heerlekhaid mit de baaide manlu dij bie hom stonden.
³³ Dou dij bie hom votgoan wollen, zee Petrus tegen Jezus: “Meester, dat treft ja mooi dat wie hier binnen. Zel we drij tènten opzetten: veur joe ain, veur Mozes ain en veur Elia ain?” Hai wos ja nait wat of e zee.
³⁴ Mor in tied dat e t zee, kwam der n wolk aan dij heur in schaar zette. Doar werden ze kèl van, dat dijent deur wolk insloten werden.
³⁵ Dou kwam der n stem tou dij wolk oet: “Dit is mien Zeun, dij ik oetkeurd heb. Noar hom mout ie lustern!”
³⁶ Ondertied dat dij stem zok heuren luit, kwam Jezus veurndag, allain. Zai hebben t stil holden en doudestieds gainain wat verteld van wat of ze zain haren.